11 රිය අනතුරු...(2013.03.22)

අද මම ඔයාලට මගේ ඇස් දෙකෙන් දැකපු සිද්දියක් කියන්න යන්නෙ... 

මම වැඩ් කරන්නෙ ඔරුගොඩවත්ත පැත්තෙ... අද මම ඔරුගොඩවත්ත හන්දියෙන් බැහැල අවිස්සාවේල්ල පැත්තට පා ගමනින් එනව... එනකොට හරියටම ඔරුගොඩවත්ත හන්දියයි, ඔරුගොඩවත්ත පාලමයි අතර මැදදි මට ඉස්සරහින් මහුලු කාන්තාවක් පාර පැන්න...( ට්‍රැෆික් මුකුත් නෑ)

 මම ආවේත් වම් පැත්තෙ. අර මහලු කාන්තාව පාර පැන්නෙත් වම් පැත්තෙ ඉදන් දකුණු පැත්තට...

( කහ ඉර මීටර් 10 ක් ඉදිරියෙන් තිබුනි) 

ඔන්න අර කාන්තාව පාර බලන්නෙත් නැතුව පැන්නෙ නැතැයි පාරට.. 

ඔන්න එතකොටම ඔරුගොඩවත්ත පැත්තෙ ඉදන් ආපු මෝටර් සයිකලයක් (සමාන්‍ය වේගය 50 කිලෝ මීටර/පැය) විතර ඇවිත් අර කාන්තාවගේ ඇගේ හැපුනා. කොහොම හරි කාන්තාව වීසිවෙලා ඉස්සරහට වැටුනා..

( ඇත්තටම මම හිතුනෙ මැරුනා කියල..මොකද බෙල්ල අනිත් පැත්තටම හැරිල තිබුන නිසා) 

ඔන්න අර රියදුරු බයික් එක එහා පැත්තෙ නැවත්තල ඇවිත් කාන්තාව ලග ඉන්නව...( ඔහුගේ දක්ෂතාව නිසා තමා ඔහු සහ ඇය බේරුනේ.. ඔහු මීටර 10 ක් විතර එහා ඉදල තමා බ්‍රේක් එක ගහ ගෙන ආවෙ...)  කොහොම හරි දෙන්නම පාර මැද.. බයික් එක වැටුනෙ නෑ.. නමුත් කාන්තාව බේරා ගැනීමේ අරමුනින් ඔහු බයික් එක පාරෙ අනිත් පැත්තට කැපුව... හදිසියෙවත් එහා පැත්තෙන් එන කන්ටේනර් එකකට හරි අර පාලම උඩ ඉදන් එන දුර ගමන් බස් එකකට හරි අහු උනානම් කවුද අමාරුවෙ වැටෙන්නෙ..

ඒ ගැන කවුරුවත් හිතන්නෙ නෑ... ඔන්න හැපුනට පස්සෙ ටිකක් දුරින් හිටපු ත්‍රීවීල් කාරයො ටිකක් ඇවිත් අර මනුස්සයට ගහන්න යනව... හොද වෙලාවට  එතන මම ඇතුලු කිහිප දෙනෙක් කිවුව එයාගෙ වැරැද්දක් නෑ කියල... ඒක නිසා බේරුනා... ඔන්න සීන් එක... 

මම අහන්නෙ මොකක් හරි උනාම මෙලෝ දෙයක් දැක්කෙ නැති, ඇහුනෙ නැති, වැඩකට නැති උන් ටිකක් ඇවිත් ඔහේ හොයන්නෙ බලන්නෙ නැතුව කාට හරි ගහනව... එක්කො හරි කෙනාට නෙමෙයි එත හිටිය වෙන කාට හරි ගහනව... ඔන්න අපේ රටේ තත්වෙ.. 

මොකක් හරි වෙලා බයික් රියදුරා කෙන්ටේනර් එකකට අහූන කියල හිතමු.. 

එතකොට කවුද වැරදි.. අර අහක ඉදල, පූරුවෙ කරුමෙකට එතට ආපු කන්ටේනර් රියදුරා... මොකද කවුරුවත් මොකද්ද උනේ, කියල හොයල බලන්නෙ නෑනෙ.. ඇගේ හිරි ඇර ගන්න කාට හරි ගහනව... ඇත්තටම වැරදි කවුද.. අර කාන්තාව නේද? 

අනේ මන්ද අපේ රට කවද හැදේවිද?