35 සුසන්තිකාගේ ජීවිතය....(මට කියූ අයුරින්)

මේ රටේ සහ මුලු ලෝකෙම දන්න කෙනෙක් තමා සුසන්තිකා ජයසිංහ කියන දාවන ශූරිය... තව නමකින් කියනවනම් ආසියාවේ කලු වෙලඹ.....

මම මේ කියන කතාව කියන්නෙ මම දන්න තරමින්...ඒ කියන්නෙ ඇයගේ වැඩිමහල් සොහොයුරිය කියන කතාවක් මගින් තමා මම මේක ඔයාලට කියන්නෙ... ඔන්න එහෙනම් කතාව පටන් ගන්නව...


මම මේ කියන්නෙ ඇයව අපහාසයකට ලක් කරන්නනට, ඇයව ලැජ්ජාවට හෝ අපහසුතාවට පත් කරන්නටවත් නොව,  හුදෙක් එමගින් අපේ රටේ ඉන්නා කම්මැලි, කාලකන්නි සමාජයට ආදර්ශයක් සදහා පමණි.



ඔයාල දන්නව ඇතිනෙ ඇයගෙ පවුලෙ ඉන්න සාමාජිකයන් ගනන... නෑ මමම කියන්නම්... 

* අම්ම

* තාත්ත

* අක්කල 03

සහ

* බාලයා විදියට සුසන්තිකා

ඔන්න පවුලෙ සමාජිකයන්...


ඊට පස්සෙ කියන්නම් ඔවුන්ගේ රැකියාව මොකද්ද කියල... 

පියා - බීඩි එතීමේ කර්මාන්තය

මව - රබර් කිරි කැපීමේ කර්මාන්තය

සහෝදරියන් - බීඩි එතීමේ කර්මාන්තය

සුසන්තිකා - පාසල් යන අතරතුර - බීඩි එතීමේ කර්මාන්තය

මේ කතාව මට කියන්නෙ සුසන්තිකාගෙ දෙවැනි සහෝදරිය(දෙවැනියට වැඩිමහල් සහෝදරිය)

ඇය දැනට වැලිසර රෝහලේ නේවාසිකව ප්‍රතිකාර ගන්නව... 

මම දන්න විදියට ඇයට පෙනහලු ආශ්‍රිත රෝගයක් ඇතුලුව සුව කල නොහැකි රෝගයක් වන "පිළිකාවක" උරුමක්කාරියක්... නමුත් ඇය දන්නෙ නෑ ඇයට පිළිකාවක් තියෙනව කියල.. ඇය දන්නෙ ඇයගෙ පෙනහලුවල ගෙඩියක් තියෙනව කියල පමනයි... 

මට මේ කතාව කියන්නෙ ඇය තමා.... මම මුලින්ම ඇය ගැන හැදින්වීමක් කරන්නම්... ඇයගෙ සැමියත් බීඩි එතීමේ කර්මාන්තයේ නියුතුවෙක්... ඇයට දාව ලමයි 04 දෙනෙක් ඉන්නව... දියනියන් 03 කුගෙන් හා පුතෙකුගෙන් සමන්විත පවුලක්.... ඔවුන් ඔක්කොම අවුරුදු 14 ට වඩා අඩු වයස් වල සිටින්න්වුන්.

ඉස්සර සුසන්තිකා ඒ කියන්නෙ පොඩි කාලෙ පුදුම දුකක් විදල තියෙන කාන්තාවක්... ඒ අක්ක මට සුසන්තිකා ගැන ගොඩාක් කතා කිවුව මට මතක ටික පමණක් සහ දැමිය හැකි දේඅවල් පමණක් ඉදිරිපත් කරන්නම්....

ඉස්සර සුසන්තිකා පාසල් යන අවදියේ ඒ කියන්නෙ 10 වසර 11 වසරෙ වාගෙ.. රෑට උයල තියෙන බත් උදේට කන්නෙ ඉස්කෝලෙ ගිහිල්ල.. ඒ කියන්නෙ හීල් බත්.... එත්කොට එයා දුවන්න පුරුදු වෙන කාලෙ.... උදේට එයා කන්නෙ කාටත් හොරෙන්... ඇයි දන්නවද එයාගෙ යාලුවො එයාට විහිලු කරන නිසා.... මොකටද දන්නවද... කෑම එකෙන් පිළුනු ගද එන නිසා.... නමුත් කවමදාවත් සුසන්තිකා නෙමෙයි ගෙදර ගිහිල්ල ඒව අම්මට හෝ සහෝදරියන්ට කියන්නෙ.... ඒක ආරන්චි වෙලා තියෙන්නෙ අක්කගෙ යාලුවෙක් තමා අක්කට කියල තියෙන්නෙ... ඒත් සුසන්තිකා රන් පදක්කම ලංකාවට ගෙනාවට පස්සෙ... එතකන් කවුරුවත් දන්නෙ නෑ.... 

තව එකක් සුසන්තිකා ඉස්සර වැඩි හරියක් කරන්නෙ පිරිමි කරන වැඩලු... එක දවසක් සුසන්තිකාගෙ අම්ම කියල පොල් ගෙඩියක් කඩෙන් අරන්  එන්න කියල... මේකි..(මේ අක්ක කියන වචන වලින්) සල්ලි අරගෙන ගියා දැක්ක... මෙන්න ටික වෙලාවකින් ගෙදර ඉස්සරහ පොල් ගහේ පොල් බිමට වැටෙනව... මම නිකමට උඩ බැලුව... මේකි පොල් ගහේ... අම්ම ඇවිත් බැන්න හොදටම ... ඒත් මේකි බැස්සෙ නෑ බිමට ඔක්කොම පොල් ටික කඩල ඉවර වෙලා තමා බැස්සෙ.... 

අම්මගෙන් එදා හොදටම ගුටි කෑව... මෙකි නෙමෙයි හෙල්ලුනේවත්.... පස්සෙ අම්මට සල්ලි ටික දීල කියල තියෙනව " අම්ම මේක තියා ගන්න... අපිට පස්සට සල්ලි ඕන වෙයි කියල... ඒකයි මම කඩෙන් ගේන්නෙ නැතුව කැඩුවෙ කියල" 

මම දැන් කියන්නෙ අනිත් අක්කල දෙන්න ගැන ... ඒ අක්කල දෙන්නත්  බැදල... එයාලටත් ලමයි ඉන්නව.නමුත් අක්කල දෙන්නගෙම සැමියන් ම්ය ගිහිල්ල.... ඒ අයගෙ පොඩි දරුවන් ඔක්කොම බලගන්නෙ සුසන්තිකා තමා... ඒයාගෙ ගෙදර තියාගෙන...

අනික විශේශම දේ තමා සුසන්තිකාලගෙ ගෙදරට ගේනවනම් සීනි කිලෝ 01, පරිප්පු කිලෝ 01, පිටි පැකට් 01, ඒ වගේ පාර්සල් 03 අක්කලගෙ ගෙවල් වලටත් යවන්න සුසන්තිකා අමතක කරන්නෙ නෑලු... අනික දැන් කවුරුවත් බීඩි ඔතන්නෙත් නෑ ලු... සුසන්තිකාට ඔලිම්පික් ගිහිල්ල හ්ම්බ උනු සල්ලි වල පොලිය සම්පූර්නයෙන් පවුල් 03 බෙදිල යනවලු.. සතයක් වත් සුසන්තිකා ගන්නෙ නෑලු.... 

දැන් සුසන්තිකා ලග අක්කලගෙ ලමයි 04 දෙනෙක් හැදෙනවලු... ඒ අක්ක මේ ඔක්කොම කියන්නෙ ඇස් වලට කදුලු පුරවගෙන.... සුසන්තිකා දවස් දෙකකට සැරයක් අනිවාර්යයෙන් එනව ඒ අක්ක බලන්න.... කොච්චර වැඩ රාජකාරි තිබුනත්.... අනික දැන් ඇය වැඩ කරන්නෙ ශිරන්ති රාජපක්ශ මැතිනියගෙ සම්බන්දීකරන ලේකම් හැටියට.... 

මේ ඇයගෙ පවුල... ඔතන එක අක්ක කෙනෙක් අඩුයි... 

අවසාන වශයෙන් කියන්න ඕන.... මේ ඉන්නෙ අපේ රටේ වීරවරියක්.... නමුත් එයාගෙ යට ගිය ජීවිතය කටුක, අමිහිරි අත්දැකීම් වලින් පිරුණු ජීවිතයක් තමා ගෙවල තියෙන්නෙ...

මට ඇයත් සමග චායාරූපයකට මුහුණ දීමට කමැත්ත දැක්වුවද මගේ ලැජ්ජාව හා ඒ අවස්තාවේ ඇය සිටි මානසිකත්වය උඩ මම එම තීරනය අතහැර දැමීමට සිදු විය....